Roja zimanê dayîkê ya navnetewî pîroz be!

”Ziman , mala mirov e” dibêje Heidegger û dom dike: ”Gelên ku girîngîya zimanê xwe ji bîr dikin pêşvebirina hizir û zîrekîyên xwe jî wenda dikin. Çimkî ziman mala mirov e, mala gel e.”

Têkoşîna me kurdan jî ji bo avakirina ”mala” me ye. Ji bo em bikaribin bi azadî bi hizirin, ji bo ku em bikaribin bi azadî dîtîn û ramanên xwe biafirînin, pêşkeş bikin, binivîsin û bixwînin ji me re ”mal” pêwîste.

Em dizanin ku ew ”mal” zimanê me ye. Bi wî, pêşvebirina kesayetiya kurdî, çand, ehlaq û her tiştên kurdî yên  ku hatine nivîsîn û nehatine nivîsîn jîndar kirin, jiyandin mimkune. Kesayetiya kurdî bi wî pêkan e.

Em têkoşerên zimanhezên kurd vê rojê ji dil û can pîroz dikin. Û em hêvîyên Kurdistanek ku bi fermîtiya zimanê kurdî were xemilandin di dil û mejiyê xwe de dixemilînin û mezin dikin.

Wek dîsa Heidedgger dinivîse:

”Divê gel ji bo zomanê xwe têbikoşe”.

Û em jî têkoşîna van salên dawî yên gelê xwe pîroz dikin û em baş dizanin ku gelê ku ji bo zimanê, wêje û çanda xwe dest bi tekoşînêke weha bi rûmet kirine li her cîh û qadê bi ser ketine.

Dê gelê me jî bi ser bikeve.

Ji holê rabûna bi her zimanek, cîhana me xizan dibe.

Divê wekî zimanên din zimanên di bin qedexeyan de ne  li ser axa xwe azad û fermî bibin.

Bi azadbûna wan jiyan xweştirîn dibe.

 

 

 

 

e-weje.com

Nivîsa ku we şand admin

Nivîsa wek hev

Etîket

Bi xwe re parvebike

Şiroveyekê binivîse