Li Swêd, Almanya û Fransayê rewşa pirzimanî

Li gorî lêkolîneke kovara Språk (Ziman) Nr: 7- 2012  ku di meha 12an de derket, gelên swêdî, almanî û fransayî ji bilî zimanê xwe bi çend zimanên din dizanin statîstikeke balkêş belav kir.
Ev statîstîk weha ye:

  • Swêdî ji derî zimanê xwe %90 zimanekî din dizanin.
    Ev li Almanyayê %67 û li Fransayê %51 .
  • Swêdî ji derî zimanê xwe %48 herî kêm bi du zimanên din dizanin
    Ev li Almanyayê %27 û li Fransayê %21 e.
  • Swêdî ji derî zimanê xwe %17 herî kêm bi sê zimanên din dizanin
    Ev li Almanyayê %8 û li Fransayê %4 e.

Sedemên pirzimaniyê sê ne: Yek, gelê Alman û Fransayî xwe  weke netewe û ziman mezin û payebilind dibînin, ji ber vê yekê zêde guhnadin zimanê din. Sedemê duyem jî, Swêd welatekî biçûk e, dewlemend de û dewlet gelek giraniyê dide ser ziman û çandê. Asta xwendin û rewşenbîriyê gelek bilind e û budçeya  perwerdeyê zêde ye. Sedemê sêyem bazirganiya global e. Her her çendî îro li cîhanê zimanê bazirganiyê bi îngîlîzî be jî, dîsa şirketên mezin giraniyê didin ser zimanên din jî. Di warê têkiliyên civakî û bazirganiyê de hatiye dîtin û pejrandin ku her dewlet dixwaze û dilşad e ku bi zimanê xwe bêtir dan û standinê bike. Ji ber vê yekê şirketên navnetewî giraniyê didin pirzimaniyê. Li dibistanên Swêdê gelek zimanên bîyanî tên xwendin û ji derî dibistanan gelek kursên û perwerdeya ziman li Swêdê hene.

amedtigris@hotmail.com

Nivîsa ku we şand admin

Nivîsa wek hev

Etîket

Bi xwe re parvebike

Şiroveyekê binivîse